Yeganə Məmmədova, Zamir Zabitoğlu - Sevgi Dolu Dünyamız

Gülüşlərin donub qaldı üzümdə,
Göz yaşlarım buz bağladı gözümdə,
Söz vermişəm mən qalmışam sözümdə,
Sənsə mənə vəfasızlıq eylədin,
Sənsə mənə vəfasızlıq eylədin.

Mən yolunda dağdan axan çay oldum,
Qaranlıqda səndən ötrü ay oldum.
Üşüyürdün, qışda sənə yay oldum,
Söylə görüm sən mənimçün neylədin,
Söylə görüm sən mənimçün neylədin.

Nəfəsimlə ağ dumanı dağıtdım,
Nur gözümlə gözlərinə baxırdım.
Səni sonsuz bir asiman sanırdım,
Gözüm görmür asimanı neylədin,
Gözüm görmür asimanı neylədin.

Səndən uzaq çıxıb gedə bilmirəm,
Bu ayrılıq nəğməsini sevmirəm.
Sən dünyamsan, dünyanı mən neylirəm,
Sevgi dolu dünyamızı neylədin,
Sevgi dolu dünyamızı neylədin.